Hertogaynjurnar í stíl

Vilhjálmur Bretaprins og Katrín hertogaynja af Cambridge eru í konunglegri heimsókn í Skotlandi um þessar mundir. Katrín klæddist grænum og bláum köflóttum kjól í heimsókninni, sem er um margt líkur kápu sem Meghan Markle svilkona hennar klæddist í sinni fyrstu heimsókn til Skotlands í fyrra. 

Sögusagnir hafa verið á kreiki um ósætti á milli Katrínar og Meghan síðustu mánuði. Það er því spurning hvort kjóllinn sé táknrænt merki um að Katrín og Meghan hafi tekið hvor aðra í sátt.