Hvers vegna mætti hún svona léttklædd?

Kendall Jenner hafði ekkert að fela þegar hún mætti í teiti Vanity Fair í tengslum við Óskarinn. Að ofan var kjóllinn svolítið í anda áttunda áratugarins, náði upp í háls en var opinn niður á maga og í bakið en þegar neðar dró tók við einhver annar heimur. 

Í stað þess að láta pilsið ná allan hringinn var eins og það vantaði efni í hliðarnar og því var Jenner svolítið eins og hún væri í sundbol sem var töluvert hátt skorinn. Þegar hún gekk voru langir fótleggir hennar í aðalhlutverki og tutlan sem hékk í miðjunni gerði lítið sem ekkert gagn. Hefði hún ekki allt eins getað mætt nakin eða hvað? Var eitthvað eftir fyrir ímyndunaraflið?