Franska tískuhúsið Louis Vuitton hefur hætt framleiðslu á línu sem innblásin er af arfleið tónlistarmannsins Michael Jackson. Ákveðið var að hætta framleiðslunni í ljósi nýrrar heimildarmyndar, Leaving Neverland um Jackson.
Línan var hönnuð af Virgil Abloh en hún var sýnd á tískupöllum í janúar, stuttu áður en heimildarmyndin var frumsýnd á Sundance-kvikmyndahátíðinni.
Abloh sagði í viðtali að hann sé miður sín yfir heimildarmyndinni og segir að línan hafi aðeins verið innblásin af opinberu lífi Jackson og tónlist hans. Hann segist vera á móti öllu barnaníði.
Framkvæmdarstjóri Louis Vuitton hefur einnig sent frá sér tilkynningu um málið. Í henni segir að velferð barna sé mikilvæg Louis Vuitton.