Eitt stærsta kvöld tískuheimsins fór fram í gærkvöldi þegar fjáröflunarkvöldið Met Gala var haldið hátíðlegt. Allar helstu stjörnur samtímans komu saman í sérsniðnum fötum eftir þema kvöldsins sem var rit­gerð heim­spek­ings­ins Sus­an Sontag „Notes on Camp“ frá ár­inu 1964. Það þarf ekki að koma á óvart að tónlistarkonan Lady Gaga hafi stolið senunni en Kim Kardashian átti líka sterkan leik. 

Kim Kardashian mætti ásamt stórfjölskyldunni en sjálf var hún klædd hönnun Thierry Mugler. Var þetta í fyrsta sinn í 20 ár sem fatahönnuðurinn sjálfur hannaði fyrir House of Mugler sem Kardashian þótti mikill heiður. Leit Kardashian út fyrir að vera nýkomin upp úr sjónum þannig það perlaði á hana í blautum fötum með blautt hár. Í rauninni var hún í latex skjól en kjólinn tók átta mánuði að hanna. 

Lady Gaga var með heilt leikrit á bleika dreglinum en hún klæddist fötum vinar síns Brandon Maxwell. Með henni í för voru dansarar en í fyrstu virtist hún einungis vera í bleikri kápu með afar löngum slóða. Hún tók svo til við að fækka fötum og lék stjörnuleik sinn vel eins og sjá má á myndunum hér að neðan. Það var ekki nóg fyrir hana að klæðast svörtum klassískum kjól og bleikum þröngum kjól heldur endaði hún innkomuna á nærfötunum og netasokkabuxum.