Í vikunni var tilkynnt að söngkonan Celine Dion væri nýjasta talskona snyrtivörumerkisins L'Oréal. Dion bjóst ekki við því að skrifa undir fyrsta snyrtivörusamninginn sinn við franska snyrtivörumerkið 51 árs gömul.
Dion segir á vef Vogue að henni hafi verið strítt fyrir útlit sitt þegar hún var í skóla en hún segist hafa átt í vandræðum með tennurnar og verið mjög, mjög grönn. Þess vegna hélt hún að hún fengi aldrei boðið, hvað þá 51 árs. „Þetta er kraftaverk,“ lýsti hún á vef InStyle.
Dion mun byrja á því að sitja fyrir í hárauglýsingu og þrátt fyrir að vera eldri en margar fyrirsætur eru þær margar eldri en hún hjá L'Oréal. Snyrtivörumerkið hefur notað eldri konur á borð við Jane Fonda, Julianne Moore og Susan Sarandon til þess að auglýsa vörur sínar.