Fataverslunin Weekday nýtur mikilla vinsælda erlendis og hefur verið beðið eftir að hún opni hérlendis. Hún opnar í Smáralind 23. maí og telja tískuskvísur og stælgæjar þessa lands niður. 

„Ísland er eitt af fallegustu löndum í heimi og við erum ákaflega spennt að stíga inn á þennan nýja og spennandi markað,” segir Daniel Herrmann, framkvæmdarstjóri Weekday og bætir við: 

„Reykjavík er suðupunktur skapandi menningar og við hlökkum til að kynnast þessu áhugaverða samfélagi betur.“

Weekday er tískumerki sem hefur alltaf verið sterkt þegar kemur að gallafatnaði. Í dag rekur Weekday 41 verslun í 10 Evrópulöndum. Markhópurinn er ung fólk sem hefur ríka tískuvitund.