Brúðarkjóll Alexöndru Helgu Ívarsdóttur sem hún klæddist um helgina er frá ísraelska tískuhúsinu Galia Lahav. Alexandra segir að þetta sé kjóll drauma hennar og að hún hafi elskað hverja sekúndu á meðan hún klæddist kjólnum.
Alexandra var hreint út sagt stórkostleg í þessum blúndukjól en förðunarfræðingurinn Harpa Káradóttir sá um að setja punktinn yfir i-ið og farðaði Alexöndru fyrir stóra daginn.
Galia Lahav er vinsælt á meðal stjarnanna í Hollywood og hafa stjörnur á borð við Gal Gadot, Chrissy Teigen og Priyanka Chopra sést á rauða dreglinum í kjólum frá tískuhúsinu.