Leikkonan Busy Philipps þurfti ekki að skipta um dress nokkrum dögum fyrir viðburð heldur græjaði stílistinn hennar, Karla Welch, einfaldlega plástur með gimsteinum.
Philipps datt á hjóli og hruflaði á sér hnéð stuttu fyrir viðburðinn. Þar sem hún og stílistinn hennar vildu ekki velja ný föt með svo skömmum fyrirvara ákváðu þær að hugsa í lausnum og létu græja Swarovski plásturinn.
Plásturinn passar óneitanlega vel við fötin sem Philipps klæddist en hún var í hjólabuxum úr gimsteinum og í stórum hvítum blazer-jakka við.
Philipps hefur áður opnað sig um ítrekuð hnémeiðsl sem hafa hrjáð hana í gegnum árin, en hún getur verið einstaklega mikill klaufi að eigin sögn.