Íslenska barnafatamerkið iglo+indi var var úrskurðað gjaldþrota í vikunni. Helga Ólafsdóttir, fatahönnuður og einn af hluthöfum fyrirtækisins, segir að það sé nánast vonlaust að reka lítil hönnunarfyrirtæki á Íslandi.
„Ég er ótrúlega sorgmædd en á sama hátt stolt af öllu samstarfsfólkinu og þakklát öllum viðskiptavinunum. Rekstrarumhverfið á Íslandi fyrir lítil hönnunarfyrirtæki er nánast vonlaust. Landfræðileg staðsetning gerir allan útflutning gífurlega flókinn og kostnaðarsaman. Á ellefu árum náðum við að koma vörunni í sölu í yfir 130 verslunum erlendis, meðal annars í nokkrar flottustu barnavöruverslunum í heiminum. Mig langar bara að þakka öllum börnum sem hafa klæðast iglo+indi í gegnum tíðina stuðninginn,“ segir Helga í samtali við Smartland.