Eitt af því skemmtilegasta við veturinn er að draga fram dýpri og litsterkari varaliti en það er líka skothelt ráð til að lífga upp á andlitið. Hér eru nokkrir af uppáhaldsvaralitunum okkar fyrir veturinn.
Yves Saint Laurent The Slim Sheer Matte Lipstick
Nýjasti varaliturinn frá YSL er léttur og mattur og kemur í mjög fallegum litatónum. Varaliturinn er skorinn í einskonar ferhyrning svo auðveldara er að ná fram fullkominni ásetningu en formúlan býr yfir „blurring technology“ sem mýkir ásýnd varanna.
Fimmtudaginn 31. október mun Yves Saint Laurent standa fyrir varalitaáletrun í Hagkaup í Smáralind milli kl. 18 og 22. Áletrunin mun fylgja frítt með keyptum varalitum frá YSL og er þetta tilvalin jólagjöf eða skemmtileg gjöf frá þér til þín til að hafa í snyrtiveskinu.
Chanel Rouge Allure Ink Fusion
Mattir, þunnfljótandi en sérlega litsterkir varalitir sem endast allan daginn á vörunum. Rouge Allure Ink Fusion er nýjasta varalitaformúlan frá Chanel og er ætlað að veita „second-skin“ tilfinningu með sérlega fínlegri áferð. Burstinn er svo sérstaklega skorinn til að veita nákvæma ásetningu.
Bare Minerals BAREPRO Longwear Lipstick
Einstök varalitaformúla sem er full af nærandi innihaldsefnum ásamt olíu úr baobab, hindberjum og sólberjum. Litirnir eru bjartir og ákafir en sólblóma- og jojobavax koma í veg fyrir rakatap í kuldanum.
Lancôme L'Absolu Rouge Ruby Cream Lipstick
Ríkuleg áferðin býr yfir miklum lit og er rakagefandi. Nýju varalitirnir frá Lancôme eru innblásnir af rúbínsteinum og býr formúlan yfir rósaþykkni, nærandi sesamolíu og Pro-Xylane. Varirnar verða þannig mýkri og endurnærðar.
Sensai The Lipstick
Varalitirnir sem draga úr hrukkum og örva blóðflæði í vörunum svo þær virki þrýstnari ásýndar. Formúla Sensai The Lipstick blandar saman húðumhirðu við förðun með formúlu sem inniheldur Koishimaru-silki, hið fágæta og auðkennandi innihaldsefni Sensai.
Shiseido ModernMatte Powder Lipstick
Þyngdarlaus en fullþekjandi formúla sem veitir fullkomlega matta ásýnd án þess þó að þurrka varirnar. Sérstakar litaragnir veita bjartari tón og varirnar virka sléttari.