Sundbolur sem fæst á vefverslun Fashion Nova hefur vakið gríðarlega athygli á samfélagsmiðlum síðustu daga. Ástæðan er sú að skapabarmar fyrirsætunnar þykja heldur berskjaldaðir.
Fashion Nova auglýsir vörur sínar á samfélagsmiðlum líkt og aðrar verslanir. Mynd af fyrirsætu í umræddum sundbol vakti ómælda athygli á Instagram nýlega og bentu fylgjendur þeirra á að skapabarmur fyrirsætunnar væri hálfur út fyrir sundbolinn.
Myndin hefur verið fjarlægð af Instagram Fashion Nova en lifir þó áfram góðu lífi á netmiðlum og samfélagsmiðlum. Sundbolurinn er hins vegar enn fáanlegur í vefversluninni og virðist ná betur utan um sköp fyrirsætunnar á vefsíðunni.