Mætti í bleikri brjóstahaldarabrynju

Critics' Choice-verðlaunahátíðin fór fram í Kaliforníu um helgina. Litadýrðin var allsráðandi í fatavali stjarnanna á bláa dreglinum. Það var þó leikkonan Zendaya sem stal senunni í bleikum fötum. 

Bleiku fötin sem Zendaya klæddist voru frá bandaríska fatahönnuðinum Tom Ford. Zendaya var í bleiku síðu pilsi og hálfgerðri brynju við. Fötin eru úr vor- og sumarlínu Fords fyrir árið 2020. Línan er kölluð Stríðskonan og leit Zendaya út eins og nútímaleg stríðskona þegar hún lét mynda sig áður en verðlaunahátíðin hófst. 

Fleiri stjörnur mættu í litríkum fötum á verðlaunahátíðina.