New York-búar halda ekki vatni yfir nýju andlitsnuddi sem Carrie Lindsey býður upp á í Brooklyn um þessar mundir. Andlitið er nuddað líkt og pizzadeig, inni í munninum og varir teygðar þangað til að viðskiptavinurinn lítur út eins og hann hafi leikið í teiknimynd.
Í viðtali við The New York Times segist Lindsey aldrei hafa lent í því að vera bitin af viðskiptavini. Heldur fari þeir ánægðir úr nuddinu heim og líta vanalega út fyrir að vera mörgum árum yngri.
Fólk virðist of sjaldan koma við andlitið á sér og því getur gott kröftugt nudd gert kraftaverk.
Nuddtíminn tekur vanalega klukkustund og ef marka má greinina er þessi tími fljótur að líða þótt andlitið sé tosað og teigt á alla kanta.
Lindsey líkir nuddinu við andlitslyftingu án skurðaðgerða og segir að allir ættu að vera duglegir að nudda andlitið á sér, í það minnsta prófa að koma til hennar í nuddið.
Sjón er sögu ríkari.