Rauða latex-gallanum reddað á síðustu stundu
Setja bókamerki
Tuttugu ár eru liðin frá því að Britney Spears gaf út plötuna, Oops! ... I Did It Again. Myndbandið við samnefnt lag er afar eftirminnilegt og margir muna eftir rauða latex-gallanum sem Spears klæddist. Stílistinn Estee Stanley gaf í skyn í viðtali við Vogue að rauði gallinn hefði verið skítaredding.
„Við vildum að allt yrði kynþokkafullt og einlitt,“ sagði Stanley um tískuna í myndbandinu. Stanley gerði hin hvítu og svörtu föt Spears auk þess sem hún gerði föt fyrir dansara hennar. Erfiðara var að finna rétta búninginn fyrir poppprinsessuna.
Á síðustu stundu fyrir tökur var leitað til Michaels Bush sem sá um að hanna búninga fyrir tónleikaferðalag Spears. Stanley segir að þær hafi verið vissar um að hann gæti töfrað fram föt fyrir söngkonuna á mettíma.
Bush gerði latex-gallann á einni nóttu og féll Spears strax fyrir gallanum. Stanley var ekki alveg jafn hrifin þar sem fólk svitnar mikið í fötum úr latex.
„Ef þú ferð í latex byrjarðu strax að svitna og ég vissi að hún væri að fara að dansa allan daginn,“ segir Stanley í viðtalinu en hún hafði áhyggjur af því að það myndi líða yfir söngkonuna. Það gerðist þó ekki en Spears byrjaði strax að svitna mjög mikið.
Tuttugu árum síðar er þetta verkefni enn eitt af þeim skemmtilegri sem Stanley hefur tekið þátt í. Hún hrósar Spears fyrir að hafa haft ákveðna og sterka skoðun á útliti sínu.
Krefjast stöðvunar framkvæmda
Skaut sex sinnum að feðginum á aðfangadagskvöld
Telur forsendur fyrir vaxtalækkun
Sex hafa greinst með listeríu
Frambjóðendur skila inn listum í Hörpu
Bergnuminn í Hvalfirði
Hvorki sést áður hér á landi né annars staðar
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál