Díana prinsessa var á sínum tíma mikil tískufyrirmynd og gat klæðst hvaða hátískumerki sem er. Díana hætti þó að nota vörur frá Chanel eftir að hún og Karl Bretaprins skildu. Ástæðan var ekki sú að henni þótti hönnun frá Chanel ljót.
Ástralski hönnuðurinn Jayson Brundson útskýrði ástæðu Díönu í viðtali við Harper's Bazaar en hann vann með Díönu árið 1996 í Ástralíu. Vinur Brundson var hárgeiðslumaður Díönu í ferðinni og bauð Brundson að vera aðstoðarmaður sinn einn daginn.
„Hún kom með fangið fullt af skóm og töskum og kastaði öllu á sófann. Hún sagði svo: „Hvað finnst þér?“,“ sagði Brundson sem segist hafa stungið upp á Chanel-skóm. Díana hélt ekki og sagði ekki getað verið í skóm með merki Chanel en á því er tvöfalt C. Þegar Brundson spurði af hverju ekki sagði hún Camillu og Charles vera ástæðuna.
Skilnaður Díönu og Karls eða Charles eins og hann heitir réttu nafni gekk í gegn árið 1996. Hann gekk seinna að eiga Camillu Parker Bowles en þau Karl og Camilla áttu í ástarsambandi á meðan Díana og Karl voru gift.