Sumarið er á næsta leiti og þá er viðeigandi að klæðast ljósari litum. Hvítu buxurnar eru löngu orðnar klassík en það þarf að stíga varlega til jarðar og vanda valið þegar fjárfest er í hvítum buxum. Það er margt sem gæti farið úrskeiðis. Stílisti Sunday Times gaf lesendum nokkur góð ráð.
„Þú þarf ekki að vera grannur og leggjalangur til að skarta hvítum buxum. Nú eru í tísku buxur með beinu sniði en ekki níðþröngar. Hægt er að hafa þær síðar eða í styttri kantinum þar sem þær ná þá rétt fyrir ofan ökklann. Ég er líka hrifinn af buxum sem eru millivegurinn af chinos og gallabuxum, með brettar skálmar. Mjög Jackie O.“
„Hvítar buxur virka mjög ferskar og gefa öllu útlitinu bjartari ásýnd. Þær mega þó ekki vera of hvítar, ekki lýsa í myrkri!“
„Alls ekki velja efni sem er of þunnt. Þá sést í gegnum þær! Gallabuxnaefni með teygju í er mjög vinsælt.“
„Vinsælast hefur verið að para buxurnar við einlita boli, til dæmis hvíta eða svarta. Sumir hafa líka fallið fyrir þessum klassísku röndóttu bolum sem minna á Frakkland. Ef þú vilt eitthvað ljósara þá getur ljósbrúnn verið fallegur eða aðrir hlutlausir litir við kakíjakka. Vinsælast er samt hvítur og blár,“ segir stílistinn.