FH-ingar hafa samið við Zeiko Lewis landsliðsmann frá Bermúda og gildir samningur hans við Hafnarfjarðarliðið út tímabilið.
Lewis hefur verið reynslu hjá FH-ingum síðustu vikurnar og fór með liðinu í æfingaferð til Spánar á dögunum.
Lewis var á samningi hjá New York Red Bulls í Bandaríkjunum og spilaði með varaliði félagsins í USL-deildinni sem er næsta deild fyrir neðan MLS-deildina. Hann er 22 ára gamall lágvaxinn kantmaður sem hefur skorað 4 mörk í 14 leikjum með landsliði Bermúda. Fyrsta landsleikinn lék hann aðeins 16 ára gamall, gegn Trínidad og Tóbagó í undankeppni HM og kom þá inná sem varamaður fyrir Nahki Wells, núverandi samherja Jóhanns Bergs Guðmundssonar hjá Burnley.