Eyjólfur Sverrisson þjálfari hefur tilkynnt byrjunarlið U21-landsliðs karla í knattspyrnu sem mætir Slóvakíu á KR-velli kl. 15.30 í dag.
Byrjunarliðið er sóknarsinnað, skipað sömu leikmönnum og unnu Eistlendinga 5:2 á Kópavogsvelli í síðustu viku. Eyjólfur benti á í viðtali við mbl.is á sunnudag að Ísland þyrfti á sigri að halda í dag, og í síðustu tveimur leikjum sínum í október, til að eiga möguleika á að komast í lokakeppni EM.
Mark: Aron Snær Friðriksson.
Vörn: Alfons Sampsted, Torfi Tímoteus Gunnarsson, Axel Óskar Andrésson, Felix Örn Friðriksson.
Miðja: Arnór Sigurðsson, Samúel Kári Friðjónsson, Albert Guðmundsson.
Sókn: Mikael Neville Anderson, Óttar Magnús Karlsson, Jón Dagur Þorsteinsson.