Bakvörðurinn Birkir Már Sævarsson mun ekki spila gegn Belgum í Þjóðadeildinni annað kvöld. Erik Hamrén landsliðsþjálfari skýrði frá þessu á blaðamannafundi nú rétt í þessu.
Birkir Már hefur verið í kapphlaupi við tímann að ná sér góðum af meiðslum en hann er ekki orðinn leikfær og segir Hamrén óvíst hvort hann spili vináttuleikinn á móti Katar á mánudaginn.
Birkir Már er einn leikmaðurinn sem heltist úr leik vegna meiðsla en níu leikmenn eru á sjúkralistanum, Gylfi Þór Sigurðsson, Jóhann Berg Guðmundsson, Emil Hallfreðsson, Hólmar Örn Eyjólfsson, Rúnar Már Sigurjónsson, Jón Daði Böðvarsson, Björn Bergmann Sigurðarson og Birkir Bjarnason og þá tekur Ragnar Sigurðsson út leikbann annað kvöld.