Íslenska stúlknalandsliðið í knattspyrnu, skipað stúlkum 17 ára og yngri, tapaði í dag fyrir Dönum 2:0 í öðrum leik sínum í milliriðli Evrópukeppninnar í þessum aldursflokki en leikið var í San Giuliano á Ítalíu.
Danir skoruðu mörkin á 35. og 67. mínútu og með sigrinum skutust þeir upp í efsta sæti riðilsins með 4 stig. Ísland er með 3, Slóvenía 1 og Ítalía ekkert en Ítalía og Slóvenía mætast síðar í dag.
Sigurliðið í riðlinum kemst í úrslitakeppni EM í sumar en Ísland mætir Slóveníu í lokaleik sínum á miðvikudaginn og þá eigast einnig við Ítalía og Danmörk.
Byrjunarlið Íslands
Cecilía Rán Rúnarsdóttir (M)
Hafrún Rakel Halldórsdóttir
Andrea Marý SIgurjónsdóttir
Elín Helena Karlsdóttir
Áslaug Dóra Sigurbjörnsdóttir
Ragna Guðrún Guðmundsdóttir
Ída Marín Hermannsdóttir
Clara Sigurðardóttir (F)
María Catharina Ólafsd. Gros
Þórhildur Þórhallsdóttir
Ólöf Sigríður Kristinsdóttir