Betur fór en á horfðist hjá Arnóri Sigurðssyni, landsliðsmanninum unga í fótbolta, er hann meiddist í leik með CSKA Moskvu gegn Sochi á sunnudaginn.
Arnór meiddist eftir harkalegt návígi og kvaddi völlinn tárvotur, á 28. mínútu leiksins. Meiðslin eru á ökkla og óttast var að þau væru alvarleg.
Sigurður Sigursteinsson, faðir Arnórs, segir hins vegar frá því við Fótbolta.net að meiðslin séu ekki mjög alvarleg. Arnór sé búinn í myndatöku og það skýrist betur í vikunni hve lengi hann verði frá keppni, en það ætti ekki að verða mjög langur tími.
Что касается травмы @arnorsigurdsson
— Jura Gonzalez (@JuraGonzalez) August 12, 2019
Методика ЛФК состоит из 3 периодов: иммобилизации (до 3—4 нед), восстановления подвижности и укрепления околосуставных мышц (до 6 нед), тренировки выносливости к продолжительным физическим нагрузкам и координации движений (до 3—4 мес). pic.twitter.com/3bnJhA2wxl
Innan við mánuður er í næstu leiki Íslands í undankeppni EM en Ísland mætir Moldóvu 7. september á Laugardalsvelli og er miðasala á leikinn hafin.