Íslenska kvennalandsliðið í knattspyrnu mætir Ungverjalandi í undankeppni EM 2021 þann 29. ágúst á Laugardalsvelli. Fjórum dögum síðar mætir liðið svo Slóvakíu á Laugardalsvelli en þetta eru fyrstu leikir liðsins í undankeppninni og jafnframt fyrstu mótsleikir Jóns Þórs Haukssonar sem tók við liðinu í október á síðasta ári.
Landsliðið kemur saman til æfinga í næstu viku en heil umferð er í úrvalsdeild kvenna, Pepsi Max-deildinni, á sunnudaginn kemur. Þann 27. ágúst verður opin æfing hjá kvennalandsliðinu á Laugardalsvelli þar sem ungir knattspyrnuiðkendur fá tækifæri til þess að kynna sér hvernig landsliðsæfing fer fram.
Opin æfing A landsliðs kvenna á Laugardalsvelli þriðjudaginn 27. ágúst kl. 17:00!
— Knattspyrnusambandið (@footballiceland) August 23, 2019
Kjörið tækifæri fyrir unga iðkendur og aðra áhugasama að kynna sér hvernig landsliðsæfing fer fram og fylgjast með undirbúningi fyrir undankeppni EM.
Allir velkomnir!#LeiðinTilEnglands #dottir pic.twitter.com/wvc9Qds0dD