Það var nóg að gera á skrifstofu knattspyrnudeildar Fram í vikunni því félagið samdi í dag við þrjá leikmenn fyrir átök kvennaliðsins í 2. deildinni í sumar.
Erika Rún Heiðarsdóttir er 19 ára varnarmaður sem kemur til Fram frá Aftureldingu. Hún á að baki 41 leik í B-deild og bikar. Erika lék með Víkingi Ólafsvík áður en hún kom til Aftureldingar.
Freyja Sól Kristinsdóttir er tvítugur varnarmaður og er uppalin hjá Sindra í Höfn í Hornafirði og á að baki 57 leiki í B- og C-deild og bikar.
Oddný Sara Helgadóttir er 19 ára kantmaður sem mun stíga sín fyrstu skref í meistaraflokki með Fram í sumar, en hún hefur leikið með yngri flokkum Hauka, Fylkis og FH.