„Það er rosalega vel haldið utan um kvennaboltann í Keflavík,“ sagði Helena Ólafsdóttir, umsjónarmaður Bestu markanna á Stöð 2 Sport, þegar rætt var um Keflavík í upphitunarþætti Dagmála fyrir Bestu deild kvenna í knattspyrnu sem hefst á þriðjudaginn.
Þær Helena, Bryndís Lára Hrafnkelsdóttir, fyrrverandi markvörður KA/Þórs og ÍBV meðal annars, og Harpa Þorsteinsdóttir, fyrrverandi landsliðskona,, voru sérfræðingar þáttarins.
„Það hefur ekki verið sami kraftur í þeim á undirbúningstímabilinu eins og oft áður og ég á von á því að þetta verði erfitt hjá þeim. Ég vona að Gunnar Magnús [þjálfari Keflavíkur] vinur minn taki mig ekki og buffi mig fyrir að segja þetta,“ sagði Helena meðal annars.