Knattspyrnudeild KR hefur gengið frá samningi við norska miðjumanninn Olav Öby. Hann lék síðast með Fredrikstad í B-deild Noregs. Er hann þegar kominn með leikheimild hjá KR.
Öby hefur allan ferilinn leikið í heimalandinu, þar sem hann hefur spilað með liðum á borð við Strömmen, Kristiansund, Kongsvingert og Sarpsborg.
Miðsvæðið hjá KR verður breytt á milli leiktíða, því Pálmi Rafn Pálmason hefur lagt skóna á hilluna og Hallur Hansson missir væntanlega af öllu tímabilinu vegna meiðsla.