Guðni Th. Jóhannesson, forseti Íslands, var orðlaus eftir frækinn sigur Íslands gegn Frakklandi í milliriðli I á Evrópumóti karla í handknattleik sem fram fer í Ungverjalandi og Slóvakíu í Búdapest á laugardag.
Leiknum lauk með 29:21-sigri Íslands en sigurinn var afar óvæntur enda átta lykilmenn fjarverandi hjá íslenska liðinu vegna kórónuveirusmita.
Ísland er nú í lykilstöðu til þess að komast áfram í undanúrslit keppninnar en liðið þarf að vinna lokaleiki sína gegn Króatíu og Svartfjallalandi til þess komast upp úr milliriðlinum.
„Strákar, strákarnir okkar, þjóðhetjur!“ sagði Guðni í myndbandi sem hann birti á facebooksíðu sinni eftir leikinn sem tekið var upp í MVM Dome-íþróttahöllinni í Búdapest.
„Takk! Ég á ekki frekari orð og er varla með rödd til þess að segja meira. Áfram Ísland!
Við fylgjumst áfram með ykkur og við förum alla leið,“ bætti Guðni við.