Alexis Mac Allister reyndist hetja Brighton þegar liðið heimsótti Cyrstal Palace í ensku úrvalsdeildinni í knattspyrnu á Selhurst Park í London í dag.
Leiknum lauk með 1:1-jafntefli en Allister skoraði jöfnunarmark Brighton í uppbótartíma.
Wilfried Zaha kom Palace yfir strax á 19. mínútu með marki úr vítaspyrnu eftir að brotið hafði verið á Michy Batshuayi innan teigs.
Allister jafnaði metin eftir að skot hans fór af varnarmanni og í netið áður.
Þá fékk Lewis Dunk, fyrirliði Brighton, að líta beint rautt spjald fyrir tæklingu í uppbótartíma.
Crystal Palace er með 7 stig í tólfta sæti deildarinnar en Brighton er með 4 stig í sextánda sætinu.