Fimm milljarðar í verðlaun á heimsmeistaramóti
Setja bókamerki
Heimsmeistaramótið The International 10 hófst í gær í Búkarest í Rúmeníu. Bestu lið heims í leiknum Dota 2 spila í mótinu og keppast um heimsmeistaratitilinn.
Leikurinn Dota 2 er þekktur fyrir að skila mestum tekjum allra tölvuleikja til spilara. Heildarverðlaunafé mótsins í ár eru rúmlega 5 milljarðar íslenskra króna.
Riðlakeppnin hafin en engir áhorfendur
Mótið hófst á riðlakeppni sem lýkur 10. október. Við tekur svo úrslitakeppnin þar sem sextán lið spila í tvöfaldri útsláttarkeppni sem fram fer 12. - 17. október, og sigurlið þeirra keppni stendur uppi sem heimsmeistari í Dota 2.
Upphaflega var gert ráð fyrir því að áhorfendur yrðu leyfðir á mótinu, en vegna aukinna Covid-19 smita í Rúmeníu var ákveðið fyrr í vikunni að það yrði ekki raunin. Margir aðdáendur sitja því eftir með sárt ennið, þrátt fyrir að allir miðar verði endurgreiddir.
Fylgstu með mótinu á Twitch rás mótsins en upplýsingar um næstu leiki og úrslit er hægt að skoða hér.
Kerfið streitist á móti
„Aðför að samfélaginu í heild sinni“
Vill ekki „aumingjalegar“ lækkanir á röngum tíma
„Hætta á því að það dragi úr samstöðunni“
„Það er enginn að skjóta sendiboðann“
Kristrún og Bjarni tókust hart á um efnahagsmálin