Perez áfram hjá Force India

Sergio Perez.
Sergio Perez. AFP

Force India hefur staðfest að Sergio Perez muni áfram keppa fyrir liðið á næsta ári, 2018. Verður það fimmta árið í röð sem hann ekur bílum liðsins í formúlu-1. 

Engar breytingar verða því á ökumannaskipan Froce India því áður hefur Frakkinn ungi, Esteban Ocon, verið ráðinn.

Perez er 27 ára og keppti fyrir Sauber og McLaren áður en hann gekk til liðs við Force India fyrir kepepnistímabililð 2014. Hann þykir með betri ökumönnum á miðju formúlunnar og er sem stendur í sjöunda sæti í keppninni  um heimsmeistaratitil ökumanna.  Sem liðsmaður Force India hefur hann fjórum sinnum komist á verðlaunapall. Liðið er í fjórða sæti í keppninni um heimsmeistaratitil bílsmiða.

mbl.is