Sonur rússnesks milljarðamærings, Níkíta Mazepín, hefur verið ráðinn til að keppa fyrir Haas-liðið á næsta ári. Hugsanlega verður Mick Schumacher liðsfélagi hans.
Mazepín er 21 árs og þreyir hann frumraun sína í formúlu-1 á næsta ári, 2021, og hið sama verður sagt um Schumacher, gerist hann ökumaður Haas hins bandaríska.
Mazepín hefur keppt með góðum árangri í formúlu-2 á árinu. Hann vann megin mótin tvö, í Silverstone og Mugello, og hefur margoft staðið á verðlaunapalli.
Haas ákvað í haust að framlengja ekki samninga við núverandi ökumenn, Romain Grosjean og Kevin Magnussen.