Norris velgdi Verstappen undir uggum

Rússinn Nikita Mazepin á Haas skrensar út úr beygju á …
Rússinn Nikita Mazepin á Haas skrensar út úr beygju á æfingunni í Barein. AFP

Lando Norris hjá McLaren velgdi Max Verstappen á Re Bull undir uggum í keppninni um hraðasta hring formúlu-1 æfingarinnar sem var að ljúka í Barein en þar fer fyrsta mót greinarinnar fram um helgina.

Að endingu munaði aðeins 95 þúsundustu úr sekúndu á Norris og  Verstappen og þriðja besta hringinn átti Lewis Hamilton á Mercedes en hann var 0,2 sekúndum frá topptímanum.

„Hann er ómögulegur í meðförum,“ sagði Valtteri Bottas um Meredesbíl sinn er hann lauk æfingunni í fimmta sæti. Milli þeirra Mercedesmannanna í fjórða sæti varð Carlos Sainz á Ferrari, eða 55 þúsundustu úr sekúndu á eftir Hamilton. 

Í sætum sex til tíu - í þessari röð - urðu Daniel Ricciardo á McLaren, Yuki Tsunoda á AlphaTauri, Lance Stroll á Aston Martin, Pierre Gasly á AlðhaTauri og Sergio Perez á Red Bull. 

Varð Perez 0,6 sekúndum frá tíma Verstappen en 15 fyrstu bílarnir kláruðu æfinguna á sömu sekúndunni.

Heimsmeistararnir fyrrverandi, Sebastian Vettel á Aston Martin og Fernando Alonso á Alpine, urð í 14. og 15. sæti. Stallbróðir þeirra Kimi Räikkönen varð 16. og aðeins 0,1 sekúndu á eftir Alonsoo en gat ekið takmarkað vegna tjóns á Alfa Romeo bílnum við ákeyrslu á öryggisvegg.

Charles Leclerc á Ferrari með fyrrum liðsfélaga í kjölsoginu, Sebastian …
Charles Leclerc á Ferrari með fyrrum liðsfélaga í kjölsoginu, Sebastian Vettel á Aston Martin. AFP
mbl.is