Mónakóski ökuþórinn Charles Leclerc verður á ráspól í fyrstu keppni ársins í Formúlu 1 eftir sigur í tímatökunni fyrir Bareinkappaksturinn.
Leclerc, sem keyrir fyrir Ferrari, hafði að lokum betur eftir spennandi keppni við ríkjandi heimsmeistarann Max Verstappen á Red Bull.
Carloz Sainz, liðsfélagi Leclerc, varð þriðji. Serio Pérez á Red Bull varð fjórði og Lewis Hamilton, sem hefur verið afar sigursæll síðustu ár, varð fimmti á Mercedes.
Ráspólstími Leclerc var 1:30,558 mínúta. Verstappen var 0,123 sekúndu á eftir og Sainz sex þúsundustu úr sekúndu á eftir Verstappen.