Evrópumeistarar Real Madrid ásamt þýsku meisturunum í Bayern München vilja fá franska landsliðsbakvörðinn Benjamin Pavard til liðs sig en hann leikur með þýska liðinu Stuttgart.
Þýska blaðið Bild greinir frá því að Real Madrid hafi borið víurnar í Frakkann en fyrirspurnum Madridarliðsins hafi verið hafnað og líklegast er talið að hann fari til Bayern München.
Pavard, sem er 22 ára gamall, sló í gegn með Frökkum á heimsmeistaramótinu í Frakklandi í sumar og skoraði til að mynda stórglæsilegt mark í 4:3 sigri Frakka á móti Argentínumönnum í 16-liða úrslitunum. Parvar og félagar fóru svo alla leið og unnu Króata í úrslitaleiknum.
Pavard á að baki 14 leiki með franska landsliðinu en hann kom til Stuttgart frá franska liðinu Lille fyrir tveimur árum.