Ernesto Valverde þjálfari Barcelona gerir fjölmargar breytingar á byrjunarliði sínu sem tekur á móti Tottenham í lokaumferð riðlakeppni Meistaradeildar Evrópu í knattspyrnu í kvöld.
Barcelona er þegar búið að tryggja sér sigur í riðlinum en Tottenham er í baráttu við Inter um að ná öðru sætinu og komast þar með í 16-liða úrslitin.
Lionel Messi, Gerard Pique, Jordi Alba, Sergio Busquets og Arturo Vidal hefja allir leik á bekknum og Luis Suárez spilar ekki vegna meiðsla.
Lið Barcelona: Cillessen; Semedo, Vermaelen, Lenglet, Miranda; Arthur, Rakitic, Alena; Dembele, Munir, Coutinho.
Lið Tottenham: Lloris, Walker-Peters, Alderweireld, Vertonghen, Rose, Winks, Sissoko, Eriksen, Dele, Son, Kane.