Radomir Antic, fyrrverandi knattspyrnustjóri Real Madrid og Barcelona, er látinn 71 árs að aldri.
Antic er annar af tveimur sem stýrt hafa báðum þessum íþróttarisum í knattspyrnunni. En hann stýrði einnig Atlético Madrid og gerði liðið að bikarmeisturum 1996. Hann stýrði Real frá 1991-1992 og Barcelona árið 2003.
Antic fæddist í gömlu Júgóslavíu árið 1948 og var landsliðsþjálfari Serbíu 2008-2010.
Á leikmannaferlinum spilaði hann með Partizan í Belgrað, Fenerbahce í Tyrklandi, Real Zaragoza á Spáni og Luton Town á Englandi.