Werder Bremen tókst að forða sér frá falli úr þýsku 1. deildinni í knattspyrnu í kvöld þegar liðið gerði jafntefli við Heidenheim, á útivelli í seinni umspilsleik liðanna, 2:2.
Liðin skildu líka jöfn, 1:1, í fyrri leiknum í Bremen og einvígið endaði því 3:3 en Bremen heldur sæti sínu á fleiri mörkum á útivelli. Liðið komst tvisvar yfir og Heidenheim jafnaði rétt áður en flautað var af í lokin og náði því ekki að ógna frekar.
Bremen hafnaði í þriðja neðsta sæti 1. deildar en Heidenheim í þriðja sæti B-deildar, á eftir Arminia Bielefeld og Stuttgart. Þar með fóru tvö lið upp að þessu sinni.