Ítalska knattspyrnufélagið Inter Mílanó hefur gert þriggja ára samning við Sílemanninn Alexis Sánchez. Sóknarmaðurinn, sem er 31 árs, lék með Inter á leiktíðinni á lánssamningi frá Manchester United.
Inter þarf ekki að greiða United fyrir félagsskiptin, en þess í stað greiðir félagið leikmanninum himinhá laun. Skoraði Sánchez fjögur mörk í 29 leikjum í öllum keppnum með Inter á leiktíðinni.
Sánchez lék 45 leiki með United eftir að félagið keypti hann frá Arsenal. Náði hann sér ekki á strik í Manchester og skoraði aðeins fimm mörk. Sánchez skoraði 80 mörk í 166 leikjum með Arsenal og 47 mörk í 141 leik með Barcelona.