Heimir Hallgrímsson, fyrrverandi landsliðsþjálfari Íslands og núverandi þjálfari Al Arabi, hefur beðið forráðamenn félagsins um að reyna klófesta knattspyrnustjörnuna Luis Suárez.
Blaðamaður beIN Sports í Katar, Mitch Freeley, sagði frá því á dögunum að félagið hefði áhuga á Úrúgvæanum sem hefur átt farsælan feril með bæði Barcelona og Liverpool. Nú hefur Freeley bætt við að fyrirspurnin um leikmanninn hafi komið frá Heimi sjálfum.
Forráðamenn félagsins hafa því sett sig í samband við umboðsmann Suárez sem á eitt ár eftir af samningi sínum hjá Barcelona en hann hefur spilað þar síðan 2014. Hann er orðinn 33 ára, hefur orðið spænskur meistari fjórum sinnum og unnið Meistaradeild Evrópu einu sinni og á líka 113 landsleiki fyrir Úrúgvæ, skorað í þeim 59 mörk.
A little bit more on Al Arabi looking to sign Luis Suárez.
— Mitch Freeley (@mitchos) August 12, 2020
Request came from Heimir Hallgrímsson 🇮🇸
Al Gharafa and Al Duhail NOT looking at the player 🚫
Arabi have approached player representatives enquiring about price and chance to leave Barca at the end of the season 👀 pic.twitter.com/7TqPplXCAn