Landsliðskonan Berglind Björg Þorvaldsdóttir skoraði mark septembermánaðar í frönsku A-deildinni í fótbolta. Skoraði Berglind mark Le Havre í 1:1-jafntefli á útivelli gegn Paris FC í sínum öðrum leik með liðinu 26. september síðastliðinn.
Berglind gekk á dögunum til liðs við Le Havre frá Breiðabliki, en Anna Björk Kristjánsdóttir fór sömu leið frá Selfossi.
Fór kosning fram á Twitter-síðu Cœurs de Foot sem sérhæfir sig í umfjöllun um knattspyrnu í kvennaflokki. Berglind hafði mikla yfirburði í kosningunni og hlaut 75,4% atkvæða.
Markið má sjá hér fyrir neðan en það er fjórða í röðinni.
#ButDuMoisCDF Le top 4 des buts du mois de septembre
— Cœurs de Foot (@coeursdefoot) September 30, 2020
V. Boudaud (ASJS)
S. Brunn (PSG)
B. Thorvaldsdottir (HAC)
M. Makanza (FCF 91)
PS : Est pris en compte = L'animation offensive, la passe, le centre, la précision, la difficulté du geste...pas seulement le but.
🎥 Canal+ pic.twitter.com/eQHCKYaYGN