Emil Hallfreðsson og liðsfélagar hans í Padova misstu af sæti í B-deild Ítalíu eftir 4:5-tap fyrir Alessandria á útivelli í vítakeppni í seinni leik liðanna í úrslitaeinvígi umspilsins.
Lokatölur í kvöld urðu 0:0, rétt eins og þegar liðin mættust í Padova í fyrri leiknum og því þurfti að framlengja. Ekkert var skorað í framlengingu og réðust úrslitin í vítakeppni þar sem Alessandria skoraði fimm mörk gegn fjórum hjá Padova.
Emil Hallfreðsson lék fyrstu 110 mínúturnar með Padova og nældi sér í gult spjald á 35. mínútu.