Franski miðjumaðurinn Matteo Guendouzi hefur skrifað undir samning við franska knattspyrnufélagið Marseille, þar sem hann lék á láni á síðasta tímabili. Kemur Guendouzi frá enska félaginu Arsenal.
Marseille ákvað að nýta sér forkaupsrétt á Guendouzi og greiðir um níu milljónir punda fyrir hann.
Guendouzi lék alla 55 leiki Marseille í öllum keppnum á síðasta tímabili og stóð sig vel.
Á þarsíðasta tímabili var hann á láni hjá Herthu Berlín í Þýskalandi eftir að kastaðist í kekki milli hans og Mikel Arteta, knattspyrnustjóra Arsenal.
Þar á undan hafði Guendouzi leikið 82 leiki í öllum keppnum fyrir Arsenal á árunum 2018 til 2020.