Serbneski landsliðsmaðurinn Filip Kostic gengur til liðs við ítalska stórliðið Juventus. Þetta staðfesti félagið í tilkynningu í dag.
Juventus fær þennan 29 ára leikmann frá þýska félaginu Eintracht Frankfurt en hann hefur verið þar frá 2018 og varð Evrópudeildarmeistari með liðinu á síðasta tímabili. Samningur hans við Juventus gildir til júní 2026.
Kostic var eftirsóttur og hafnaði tveim félögum í Meistaradeildinni og einnig tilboðum West Ham samkvæmt Sky Sports.
Hann er fjölhæfur knattspyrnumaður og getur spilað í mörgum stöðum en er aðallega miðjumaður. Hann hefur spilað 249 í efstu deild Þýskalands og verið með flestar stoðsendingar á þeim tíma en þær eru 58 talsins.
Kostić 𝐊𝐎𝐍𝐅𝐈𝐑𝐌𝐄𝐃 ✅⚪️⚫️#WelcomeFilip
— JuventusFC (@juventusfcen) August 12, 2022