Sádi-arabíska knattspyrnufélagið Al-Hilal íhugar nú að bjóða Cristiano Ronaldo samning að nýju eftir að hann hafnaði tilboði félagsins í sumar.
Al-Hilal bauð í Ronaldo í sumar og samþykkti Manchester United tilboðið.
Ronaldo ákvað hins vegar að lokum að hafna tilboðinu, sem hljóðaði upp á 305 milljónir punda og hefði gert Portúgalann að best launaða knattspyrnumanni heims.
Samningi Ronaldo við Man. United var rift á dögunum og samkvæmt Sky Sports er Al-Hilal áhugasamt um að reyna aftur að fá markaskorarann í sínar raðir.