Stuðningsmenn Ronaldo stálu hú-inu
Cristiano Ronaldo skoraði tvö mörk í frumraun sinni með Al-Nassr.
AFP/Giuseppe Cacace
Setja bókamerki
Stuðningsmenn sádi-arabíska knattspyrnufélagsins Al-Nassr eru skiljanlega spenntir yfir komu Portúgalans Cristiano Ronaldo en hann skoraði tvö mörk í frumraun sinni gegn PSG á dögunum.
Margir stuðningsmannanna eru farnir að búa til söngva um Portúgalann en einn þeirra söngva vakti athygli á samfélagsmiðlum. Söngurinn er afar álíkur Hú-inu sem íslenska þjóðin gerði frægt á Evrópumóti karla í fótbolta 2016 en síðan þá hefur fjöldinn allur af landsliðum sem og félagsliðum stolið söngnum.
Þeir nýjustu til þess eru stuðningsmenn Al-Nassr en í stað fyrir „Hú!“ segja stuðningsmenn liðsins „Siu!“ en Ronaldo hefur undanfarinn áratug fagnað mestmegnis af mörkum sínum með því að segja Siu.
Hér má sjá myndband af atvikinu.
