Portúgalska ofurstjarnan Cristiano Ronaldo og liðsfélagar hans í Al Nassr eru úr leik í sádi-arabísku bikarkeppninni eftir 1:3-tap fyrir Al Ittihad í kvöld.
Brassinn Romarinho kom Ittihad yfir og Marokkóinn Abderrazak Hamdallah tvöfaldaði forystu liðsins undir lok fyrri hálfleiksins. Landi Romarinho, Anderson Talisca, minnkaði svo muninn fyrir Al Nassr á 67. mínútu en heimamaðurinn Muhannad Shanqeeti innsiglaði sigur Ittihad í uppbótartíma, 3:1.
Ronaldo skoraði ekki í sínum fyrstu tveimur keppnisleikjum með Al Nassr og nú er liðið úr leik í bikarkeppninni. Þrátt fyrir það er liðið á toppnum í sádí-arabísku úrvalsdeildinni eftir 14 umferðir.