Stúlkan sem knattspyrnumaðurinn Adam Johnson misnotaði sagði vinkonu sinni að Johnson hefði boðið henni pening fyrir að hittast. Hann bað stúlkuna, sem var 15 ára, um að senda sér nektarmynd.
Adam Johnson var í síðustu viku rekinn frá enska úrvalsdeildarfélaginu Sunderland auk þess sem íþróttaframleiðandinn Adidas rifti samningi sínum við hann, en hann hefur játað tvö kynferðisbrot gegn stúlku sem var undir lögaldri.
„Hún sagði mér að þau hefðu talað saman á Snapchat og hann bað um nektarmynd af henni. Einnig bárust skilaboð frá honum þar sem hann bauð henni pening,“ sagði vinkona fórnarlambsins við réttarhöld yfir Johnson sem standa yfir.
Johnson hefur játað að hafa gefið henni hluti til þess að öðlast traust auk þess sem hann viðurkenndi að hafa kysst stúlkuna en neitar tveimur öðrum þar sem hann á að hafa haft samræði með stúlkunni.
Besta vinkona stúlkunnar sagðist í fyrstu eiga erfitt með að trúa henni. „Ég trúði þessu hreinlega ekki. Síðar sýndi hún mér skilaboð frá honum þar sem hann sagðist vilja ná henni úr buxunum. Hann var frægur knattspyrnumaður og hún var bara 15 ára.“