Freydís náði fínum árangri í svigi
Freydís Halla Einarsdóttir á leikunum í Pyeongchang.
AFP
Setja bókamerki
Freydís Halla Einarsdóttir keppti í nótt í svigi á Vetrarólympíuleikunum í Pyeongchang í Suður-Kóreu og náði fínum árangri. Hún var með 46. besta árangur keppenda fyrir leikana og hafnaði hún í 41. sæti og hækkaði sig því um nokkur sæti.
Freydís skíðaði fyrri ferðina á 56,49 sekúndum og var með 46. besta tímann og seinni ferðina á 56,66 sekúndum og var það 42. besti tíminn. Samanlagt var hún því á 1:53,15 mínútu, rúmum 14 sekúndum á eftir Frida Hansdotter frá Svíþjóð. Wendy Holdener frá Sviss hafnaði í 2. sæti og Karharina Gallhuber frá Austurríki í 3. sæti.
Freydís keppti í stórsvigi síðustu nótt en náði þá ekki að ljúka keppni.
Frida Hansdotter er ólympíumeistari.
AFP
Skiptir miklu meira máli en fólk grunar
Banna mengandi búnað sem leyfður er á Íslandi
Kostnaður meiri en milljón á fermetra
„Höfum ekki náð að skríða upp úr þeirri gryfju“
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Væri að ljúga ef ég segðist ekki stressaður