Kanadamaðurinn Samuel Girard tók gullið í 1000 metra skautahlaupi karla á Vetrarólympíuleikunum í Pyeongchang í dag en tíminn hans var ein mínúta og 24 sekúndur. Þetta eru fimmtu gullverðlaun Kanada á leikunum.
John-Henry Krueger frá Bandaríkjunum tók silfrið en heimamaðurinn Seo Yira varð að láta sér bronsverðlaunin duga þrátt fyrir að hafa verið talinn sigurstranglegastur á mótinu.
Girard var hársbreidd frá því að komast á verðlaunapall fyrr í leikunum í 1.500 metra hlaupinu en þurfti að láta fjórða sætið nægja. Nú fór hann þó alla leið.