Íþróttir | mbl | 15.5.2018 | 13:24 | Uppfært 14:20

Úthlutun úr Afrekssjóði FRÍ

Hilmar Jónsson og Aníta Hinriksdóttir frjálsíþróttafólk ársins 2017. Þau eru bæði afreksfólk FRÍ. Ljósmynd/FRÍ

Stjórn Frjálsíþróttasambands Íslands samþykkti, þriðjudaginn 17.apríl 2018, tillögu Afrekssjóðs FRÍ að fyrri úthlutun ársins 2018. Meginhlutverk Afrekssjóðs FRÍ er að búa afreksfólki og afreksefnum í frjálsíþróttum fjárhagslega og faglega umgjörð til að hámarka árangur sinn.

Styrkveitingar skulu hafa það að meginmarkmiði að styðja við afreksfólk og afreksefni vegna undirbúnings og verkefna, jafnt á fjárhagslegan hátt sem og með aðgengi að ráðgjöf og þjónustu sem snýr að umhverfi afreksíþrótta sem skilgreind eru í afreksstefnu og aðgerðaráætlun FRÍ.

Afrekssjóður FRÍ úthlutar nú 8,8 milljónum króna og er byggt á úthlutunum Afrekssjóðs ÍSÍ, en breytingar hafa orðið á umhverfi Afrekssjóðs með hliðsjón af Afreksstefnu ÍSÍ, sem samþykkt var á 73. Íþróttaþingi ÍSÍ í maí 2017. Meginhlutverk Afrekssjóðs ÍSÍ í uppbyggingu afreksíþrótta á Íslandi er að styðja sérsambönd fjárhagslega og þar með íslenskt afreksíþróttafólk við að ná árangri í alþjóðlegri keppni og ná því úthlutanir einnig til einstaklingsstyrkja.

Í stjórn Afrekssjóðs FRÍ eru Afreksstjóri FRÍ og stjórn FRÍ. Að auki er Fagteymi FRÍ hluti af umgjörð sambandsins í afreksmálum og ráðgefandi sé þess óskað.

Á árinu eru fjölmörg stórmót á dagskrá og stærsta mót fullorðinna er Evrópumeistaramótið í Berlín í byrjun ágúst. Afreksefni FRÍ verða svo á ferðinni á Evrópumeistaramóti U18 sem fram fer í Györ Ungverjalandi í byrjun júlí og svo er Heimsmeistaramót U20 viku seinna í Tampere Finnlandi.

Eftirtalið frjálsíþróttafólk hlaut að þessu sinni styrk úr Afrekssjóði FRÍ:

Afreksfólk FRÍ:

Aníta Hinriksdóttir, ÍR

Arna Stefanía Guðmundsdóttir, FH

Ásdís Hjálmsdóttir, Ármanni

Guðni Valur Guðnason, ÍR

Hilmar Örn Jónsson, FH

Sindri Hrafn Guðmundsson, Breiðabliki

Afreksefni FRÍ:

Dagbjartur Daði Jónsson, ÍR

Erna Sóley Gunnarsdóttir, ÍR

Elísabet Rut Rúnarsdóttir, ÍR