Óvænt úrslit urðu í stórsvigi þegar heimsbikarkeppni kvenna í alpagreinum hófst í Austurríki um helgina. Ólympíumeistaranum Mikaelu Shiffrin var þá skákað af 17 ára gamalli konu frá Nýja-Sjálandi.
Heitir hún Alice Robinson og var að keppa í heimsbikarnum í ellefta sinn og er sigurinn hennar fyrsti. Um leið fyrstu gullverðlaun Ný-Sjálendinga. Hún varð naumlega á undan Shiffrin sem hafði forystu eftir fyrri ferðina. Robinson hefur þótt mjög efnileg og fór á verðlaunapall í heimsbikarmóti í mars.